CSIR NET ke baare mein Poori Jankari – Full Form, Eligibility Criteria, exam pattern, syllabus, salary, aur career opportunities. JRF aur Assistant Professor positions ke liye Complete Guide.
CSIR NET Kya Hai
Dosto CSIR NET ka full form hota hai “Council of Scientific and Industrial Research National Eligibility Test”. Sabse pehle, dosto, yeh ek famous national level ka competitive exam hai.
Esliye, yeh exam har saal do baar karaya jata hai. Aam taur par, June aur December mahine mein conduct karaya jata hai.
Eske alawa, Es exam ko National Testing Agency (NTA) karati hai. Jabki, iski funding aur academic standards Council of Scientific and Industrial Research (CSIR) aur saath hi University Grants Commission (UGC) ke dwara set kiye jaate hain.
Isliye iska Poora naam joint name hai = CSIR-UGC NET hai
Es Exam ka mukhya Uddeshya Science ke Students ki Yogyata test karna hai Jisse wo Junior Research Fellowship yani JRF aur Assistant Professor (Lectureship) ke post ke liye qualify kar saken.
Yeh Exam Khaas Taur par un candidates ke liye hai jinke paas science aur technology ka Educational Background hai.
CSIR NET ka Exam Five Main Science Subjects me karaya jata hai – Life Sciences, Chemical Sciences, Mathematical Sciences , Physical Sciences, aur Earth, Atmospheric, Ocean and Planetary Sciences.
CSIR NET Exam Kya Hai
Exam Pattern of CSIR NET
CSIR NET Exam Online Computer Based Test (CBT) mode mein hoti hai. Exam ki Duration 3 ghante (180 minutes) hoti hai aur prashn bilingual matlab – Hindi aur English dono bhashaon mein Available hote hain.
Har Vishay ka Question Paper Teen parts mein divide hota hai – Part A, B, aur C.
Dosto Ek aam galatfehmi yeh hai ki Part A ke liye alag se qualifying marks hote hain, lekin aisa nahi hota hai.
Kisi bhi part (A, B, ya C) ke liye koi sectional cut-off nahi hai. Final merit list Teeno parts mein prapt kul Marks ke aadhar par taiyar ki jaati hai.
Har Subject ka exam pattern alag hota hai, jise neeche di gayi table mein vistar se samjhaya gaya hai.
Yeh Jankari Strategy banane ke liye bahut Important hai. Jaise, Mathematical Sciences ke Part C mein koi negative marking nahi hoti, jabki Earth Sciences ke Part C mein 33% negative marking hoti hai.
| Vishay | Part | Total Questions | Compulsory Questions | Correct Answer Marks | Negative Marking |
| Chemical Sciences | Part A | 20 | 15 | 2 | -0.5 (25%) |
| Part B | 40 | 35 | 2 | -0.5 (25%) | |
| Part C | 60 | 25 | 4 | -1 (25%) | |
| Earth Sciences | Part A | 20 | 15 | 2 | -0.5 (25%) |
| Part B | 50 | 35 | 2 | -0.5 (25%) | |
| Part C | 80 | 25 | 4 | -1.32 (33%) | |
| Life Sciences | Part A | 20 | 15 | 2 | -0.5 (25%) |
| Part B | 50 | 35 | 2 | -0.5 (25%) | |
| Part C | 75 | 25 | 4 | -1 (25%) | |
| Mathematical Sciences | Part A | 20 | 15 | 2 | -0.5 (25%) |
| Part B | 40 | 25 | 3 | -0.75 (25%) | |
| Part C | 60 | 20 | 4.75 | 0 (Koi nahi) | |
| Physical Sciences | Part A | 20 | 15 | 2 | -0.5 (25%) |
| Part B | 25 | 20 | 3.5 | -0.875 (25%) | |
| Part C | 30 | 20 | 5 | -1.25 (25%) |
Eligibility Criteria – Kaun Apply Kar Sakta Hai?
Qualification – CSIR NET Exam me apply karne ke liye candidates ke paas MSc , Integrated BS-MS , BS (4 years) , BE , BTech , BPharma , ya MBBS degree koi bhi ak Degreehoni chahiye.
General aur OBC Candidates ke liye Minimum 55% Marks Zaroori hain, Jabki SC/ST/PwD Candidates ke liye 50% Marks Mandatory hain.
- Naya Rule – 4 Saal/8 Semester ke B.S. degree wale Student bhi eligible hain, agar unke minimum 75% marks hain (Reserved Candidates ke liye 5% ki chhoot).
- Result Awaited (RA): Final year ke students bhi apply kar sakte hain, lekin unhe NET result ghoshit hone ki taarikh se do saal ke bheetar apni degree zaroori percentage ke saath poori karni hogi, anyatha unhe ayogya maan liya jayega.
Nationality Sirf Indian citizens hi is exam ke liye eligible hain.
Age Limit of CSIR NET
- JRF (Junior Research Fellowship) – Maximum Age Limit 30 Saal hai. BLekin dosto, agar aap reserved category se ho toh aapko age relaxation milti hai. Jaise, SC/ST, PwD ya Female candidates ke liye poore 5 saal ki chhoot milti hai, matlab ab aap 35 saal tak CSIR NET JRF ke liye apply kar sakte ho.
- Wahin, OBC (non-creamy layer) candidates ke liye 3 saal ki relaxation milti hai, toh unka upper limit 33 saal tak ho jata hai. Isliye, agar aap bhi in categories se belong karte ho, toh tension lene ki jarurat nahi hai, aapke paas extra time hai exam dene ke liye.
- Lectureship/Assistant Professor: Es Post ke liye koi Upper Age LImit nahi hai.
CSIR NET Form Filling
Dosto, CSIR NET ki Application Prakriya Poori tarah se online hoti hai. Registration prakriya mein 4 Main Steps Hain.
Step 1 – Registration – Official website csirnet.nta.nic.in par jakar ‘New Registration’ link par click karke basic details bharni hoti hain.
2nd Step – Application Form Bharna – Personal details, educational qualifications, vishay ka chayan, aur exam center ki pasand bharni hoti hai.
Step 3 – Document Upload – Haal hi ka passport size photo (JPG format, 10-200 KB) aur signature (JPG format, 4-30 KB) upload karna hota hai.
4th Step – Fee Payment: Category wise fee ka bhugtan karna hota hai. Payment online mode se – net banking, debit/credit card, ya UPI ke madhyam se ho sakta hai.
Application Form Fee
CSIR NET ki application fee category ke Hisaab se alag-alag hoti hai. General ya Samanya category ke candidates ko ₹1150 dena hota hai. Wahin, General-EWS aur OBC (Non-Creamy Layer) category ke liye ₹600 ki fee lagti hai.
SC, ST, PwD aur Third Gender ke candidates ke liye ye fee ₹325 hi hoti hai. Yeh fee online mode se, jaise debit/credit card, net banking ya UPI ke zariye bhari jaati hai. Dhyaan rahe ki bina fee payment ke aapki application accept nahi hogi.
| Category | Form Fee (₹) |
| General (Samanya Category) | 1150 |
| General-Ews/OBC (Non-Creamy Layer) | 600 |
| SC/ST/PwBD/Third Gender | 325 |
Salary Aur Fellowship Benefits
CSIR NET Qualify karne ke baad candidates ko fellowship bhi milti hai. Fellowship ki Rashi 1 January, 2023 se Sanshodhit ki gayi hai
| Post | Fellowship Per Month | Varshik Aakasmikta Anudan |
| Junior Research Fellowship (JRF) | ₹37,000 (pehle do saal ke liye) | ₹20,000 Per Year |
| Senior Research Fellowship (SRF) | ₹42,000 (mulyankan ke baad, agle teen saal ke liye) | ₹20,000 per Year |
House Rent Allowance (HRA): Yadi hostal suvidha uplabdh nahi hai, to HRA Fellowship rashi par diya jaata hai. Eski Rates vargikaran par nirbhar karti hain
| Sheher Shreni | HRA Dar (Fellowship ka %) | Example |
| X (Metropolitan) | 27% | Delhi, Mumbai, Kolkata, Chennai, Bengaluru, Hyderabad |
| Y (Anya Bade Sheher) | 18% | Patna, Lucknow, Jaipur, Nagpur |
| Z (Shesh Bharat) | 9% | Anya sabhi sheher aur gramin area |
Assistant Professor Salary: Lectureship Qualify karne wale candidates ko 7th Pay Commission ke anusaar vetan milta hai.
Entry Level par Pay Level 10 mein INR 57,700 se shuru hota hai.
| Post | Academic Level Par | In Entry Level |
| Assistant Professor (Entry Level) | Level 10 | 57,700 |
| Assistant Professor (Senior Level) | Level 11 | 68,900 |
| Associate Professor | Level 13 | 1,31,400 |
| Professor | Level 14 | 1,44,200 |
Preparation Strategy – Kaise Taiyari Karen?
Qualifying Marks vs. Cut-off Marks ko Samjhein Taiyari Shuru karne se pehle, do mahatvapurna cheezon ko samajhna zaroori hai:
- Minimum Qualifying Marks: Yeh NTA Dwara Nirdharit Nyuntam seema hai. General/EWS/OBC ke liye yeh 33% aur SC/ST/PwD ke liye 25% hai.
- Ise paar karne ka matlab selection ki guarantee nahi hai.
- Actual Cut-off Marks: Asli cut-off ummeedwaron ki sankhya, paper ki kathinai aur uplabdh fellowship par nirbhar karti hai.
- Yeh aam taur par qualifying marks se bahut zyada hoti hai. JRF ke liye cut-off aksar 50-60% se upar jaati hai.
- Isliye, lakshya kewal pass hona nahi, balki top ranks mein aana hona chahiye.
| Subjects | Category | JRF% | LS/AP% |
| Chemical Science | UR | 53.75 | 48.375 |
| Earth Science | UR | 58.88 | 52.992 |
| Life Science | UR | 98.99 (Percentile) | 97.38 (Percentile) |
| Mathematical Science | UR | 48.63 | 43.767 |
| Physical Science | UR | 50.25 | 45.225 |
Important Tips
- Part A ko Nazarandaaz na karein: Part A mein 30 mein se 20-25 ank prapt karna aapki rank mein mahatvapurna sudhar la sakta hai, khaaskar jab subject paper kathin ho.
- Previous Year Papers aur Mock Tests: Inhe niyamit roop se solve karne se exam pattern aur time management mein sudhar hota hai.
- Consistency: Nirantarta banaye rakhein aur niyamit break lein.
Career Opportunities After CSIR NET
CSIR NET qualify karne ke baad kai career ke raste khul jaate hain:
- Academic Career: Universities aur colleges mein Assistant Professor, Associate Professor, aur Professor ke post.
- Research Positions: PhD mein pravesh ke saath Junior Research Fellow (JRF) aur Senior Research Fellow (SRF).
- Pramukh Sarkari Sansthan:
- CSIR Laboratories: Desh bhar mein CSIR labs mein scientist ke roop mein kaam karne ka mauka.
- DRDO, ISRO, BARC: In pratishthit sangathanon mein JRF aur scientist pado ke liye CSIR-NET yogyata aksar ek anivarya maapdand hoti hai.
- Public Sector Undertakings (PSUs):
- Kai bade PSUs jaise ONGC, IOCL, BHEL, aur NTPC apne R&D vibhagon mein vaigyanik aur technical pado ke liye seedhe CSIR NET score ka upyog karte hain. Is prakriya mein aksar alag se likhit pariksha nahi deni padti, aur seedhe interview ke liye bulaya jaata hai
CSIR NET, UGC NET, aur GATE mein Antar
Candidates aksar in teen parikshaon mein confuse rehte hain. Dosto, Sahi Pariksha ka Chunav Apke career ke Lakshyon par Nirbhar karta hai. CSIR NET aur UGC NET ke beech ke mukhya antar kuch is prakar hain:
Negative marking ki baat karein to CSIR NET mein galat jawab par negative marking hoti hai, jabki UGC NET mein negative marking nahi hoti.
Subjects ki Sankhya mein antar hai; CSIR NET sirf 5 vigyan vishayon ke liye hota hai jaise ki Chemical Sciences, Earth Science, Life Science, Mathematical Sciences, aur Physical Sciences, jabki UGC NET mein kala, manaviki, vanijya (Arts, Humanities, Commerce) samet lagbhag 83 vishay cover hote hain.
Yeh dono exams alag-alag stream ke students ke liye design kiye gaye hain aur exam pattern, syllabus mein bhi farak hota hai.
CSIR NET adhiktar research aur teaching ke liye scientific field mein candidates ko chunta hai, jabki UGC NET arts aur commerce field mein lecturers aur professors ke liye vyavasthit hai.
NTA CSIR NET aur Gate
Mukhya Uddeshya: CSIR NET ka focus junior research fellowship (JRF) yani PhD aur university lectureship par hai. Jabki GATE adhiktar M.Tech mein pravesh aur engineering ke alag-alag PSU bhartiyon ke liye hota hai.
Mukhya Uddeshya: CSIR NET ka focus junior research fellowship (JRF) yani PhD aur university lectureship par hai. Jabki GATE adhiktar M.Tech mein pravesh aur engineering ke alag-alag PSU bhartiyon ke liye hota hai.
Yogyata: CSIR NET ke liye aam taur par Master’s degree chahiye hoti hai, yani aapko apni post graduation complete karni hoti hai. Wahin GATE B.Tech ke teesre saal ke chhatra bhi de sakte hain, matlab isme eligibility thodi flexible hai.
Career Path: Dono exams se aap apni career ki alag-alag disha mein chal sakte hain. CSIR NET adhik tar vaigyanik anusandhan aur shikshan ke kshetron mein le jaata hai, jaise ki research fellowships, PhD programs, aur assistant professorships. GATE adhik tar engineering se judi hui naukriyon, PSU recruitment aur M.Tech admissions ke liye hai.
Is prakar, agar aapko research aur academics mein career banana hai to CSIR NET behtar hai, jabki agar aap engineering sector mein jobs aur higher education ke liye tayar ho rahe hain to GATE chunna chahiye.
Is prakar, agar aapko research aur academics mein career banana hai to CSIR NET behtar hai, jabki agar aap engineering sector mein jobs aur higher education ke liye tayar ho rahe hain to GATE chunna chahiye.
Conclusion
CSIR NET Ek Pratishthit pariksha hai jo vigyan ke chhatron ke liye anusandhan (research) aur shikshan (teaching) ke kshetra mein career ke dwar kholti hai.
Sabse pehle, CSIR NET ek Pratishthit Pariksha hai jo vigyan ke chhatron ke liye anusandhan (research) aur shikshan (teaching) ke Sector mein career ke dwar kholti hai.
Eske alawa, is exam ko qualify karne ke baad candidates ko research institutes, universities, government labs, aur industry R&D mein kai mauke milte hain.
Dosto, Es Pariksha ke Madhyam se na kewal JRF aur Assistant Professor ke pad milte hain, balki DRDO, ISRO, BARC jaise pramukh sansthanon aur PSUs mein bhi seedhe pravesh ka marg prashast hota hai.
Sahi Strategy, Nirantar Taiyari, aur ek Spasht Drishtikon se CSIR NET Pariksha ko Safaltapoorvak paar kiya ja sakta hai.
Yeh pariksha Bharat ke vaigyanik anusandhan samuday ko majboot karne mein ek mahatvapurna bhumika nibhati hai.